Cristiano Ronaldo, falë kontratës së tij me Al Nasr, mbetet futbollisti më i paguar në botë, me të ardhura prej 285 milionë dollarësh (263 milionë euro) për vitin 2024, sipas revistës financiare amerikane Forbes.
Sulmuesi 39-vjeçar portugez ruan titullin e lojtarit më të paguar në planet, i ndjekur nga Lionel Messi me të ardhura vjetore prej 124 milionë eurosh, në një listë të përpiluar me vlerësime të shpërblimeve të lojtarëve, duke përfshirë bonuset dhe të drejtat e imazhit si dhe llogaritja e të ardhurave që rrjedhin nga kontratat e sponsorizimit dhe aktivitetet e tjera tregtare, para taksave dhe tarifave të agjentëve.
Me katër lojtarë, liga e Arabisë Saudite dominon këtë renditje, përpara Premier League (3), LaLiga (2) dhe MLS (1).
Dhjetë futbollistët më të paguar në botë për vitin 2024 janë si më poshtë:
1) Cristiano Ronaldo (Al Nasr/Arabia Saudite) 263 milionë euro
2) Lionel Messi (Inter Miami/SHBA) 124
3) Neymar (Al Hilal/Arabia Saudite) 101
4) Karim Benzema (Al Ittihad/Arabia Saudite) 96
5) Kylian Mbappe (Real Madrid, Spanjë) 83
6) Erling Haaland (Manchester City/Angli) 55
7) Vinicius Tounior (Real Madrid/Spanjë) 51
8) Mohamed Salah (Liverpool/Angli) 49
9) Sadio Mane (Al Nasr/Arabia Saudite) 48
10) Kevin De Bruyne (Manchester City/Angli) 36
