Saktësisht dy muaj pasi u dëmtua në finalen e Europianit, Cristiano Ronaldo do të rikthehet në fushë.
Reali i Madridit luan të shtunën ndaj Osasunës në “Santiago Bernabeu”, dhe Ronaldo pritet të aktivizohet, mbase jo gjatë gjithë takimit.
Ronaldo do të dëmtohej në takimin final të Europianit pas një përplasjeje me francezin Dimitri Payet, një dëmtim që e detyroi ta linte atë sfidë në mes e të mos luante më dhe gjatë kësaj kohe.
Ai nuk ka qenë i pranishëm në dy takimet e para të Realit në kampionatin spanjoll, ashtu siç nuk u aktivizua në Superkupën e Europës.
Portugezi nuk ka munguar asnjëherë në nisje të sezonit që kur iu bashkua Realit në vitin 2009.
Mungesa e tij i kushtoi shtrenjtë Portugalisë në takimin me Zvicrën më 6 shtator. Një ndeshje e vlefshme për eliminatoret e Botërorit 2018, të cilën zvicerianët e fituan 2-0.
Zinedine Zidane, trajneri i Realit, shprehu kënaqësinë për rikthimin e Ronaldos. Pavarësisht nisjes mjaft të mirë të sezonit, e dy fitoreve në kampionat, mungesa e Ronaldo-s e ka privuar Realin nga shkëlqimi i zakonshëm. /tesheshi.com/
