Pakkush mund ta mendonte se lojtari më i mirë i Botës, të kthehet në “ferrë nëpër këmbë”. Kjo duket se po i ndodh Cristiano Ronaldos, i cili ka kërkuar që kontrata e tij e nënshkruar para 2 vjetësh me Realin e Madridit, të përmirësohet. Por nëse në raste të tjera përgjigjja e presidentit Florentino Perez, ka qenë “Po” e padiskutuar, sot reagimi i klubit madrilen, ka qenë më frenuese.
“Më jepni ofertën” – mësohet të jetë shprehur Perez, para enturazhit të CR7-ës. Përgjigje kjo me të cilën njerëzit që rrethojnë portugezin, nuk janë mësuar. Por përgjigje gjithashtu që i hap rrugën atyre të mendojë për t’i gjetur tjetër skuadër 32-vjeçarit.
E mediat në Spanjë e lidhin Ronaldon me dy pista, njëra prej të cilave do të realizohet patjetër: Njëra është ajo që e “dërgon” CR7 në Manchester, nën urdhërat e Mourinhos, tjetra ajo që e çon në Paris, për t’u këmbyer me Neymar që zbarkon në Madrid.
Shkakun që ka sjellë këtë situatë, mediat e lidhin me faktin se Ronaldo nuk është i kënaqur me 21 milion eurot që merr “të thata” në dorë, prej kontratës që e mban atë në Madrid deri në 2021-shin, por kërkon dyfishin, ndoshta “i xhelozuar” që ka zbritur “në vendin e tretë” të lojtarëve më të paguar në botë, ku dy vendet e para i mbajnë Messi e Neymar.
Por presidenti i Realit nuk mendon se portugezi duhet të kërkojë më shumë, tani që është 32 vjeç. Për më tepër që projekti i tij për të bërë një skuadër më të re, ndoshta nuk e përfshin Cristianon. E për më tepër akoma, kur lojtarët e mbështetur nga Ronaldo, Bale e Benzema, po kanë rendiment shumë të dobët. /tesheshi.com/
