Dominimi dekador i Messit e Cristiano Ronaldos, në skenën botërore, ka krijuar vec admirimit për ta, edhe opinione paralele.
Pas brazilianit Rivaldo që deklaroi se nuk ishte më pak i mirë se CR7 apo Messi, është një “fenomen” tjetër që i bën eko. Pikërisht braziliani tjetër, Ronaldo, i cili në një intervistë për “Bild” shprehet se në kohën kur ai luante futboll, konkurenca ka qenë më e madhe.
“Në kohën kur luaja unë, Messi e CR7, nuk do të dominonin në këtë mënyrë. Të kuptohemi drejt, ata janë të jashtëzakonshëm, por të tillë kanë qenë në kohën time, edhe Rivaldo, Luis Figo, Zidane, e më pas Ronaldinjo. Po kështu, kur luaja unë ka patur mbrojtës shumë të fortë si Maldini, Canavaro, Nesta e Puyol. Lojtarët mbroheshin më pak, e ndërhyrjet e rënda toleroheshin më shumë. Prandaj them se si argjentinasi ashtu edhe portugezi, do të ishin mes të mirëve, por jo më të mirët” – deklaron Ronaldo, që nuk e fsheh se argëtohet shumë duke parë Messin e Cristiano Ronaldon. /tesheshi.com/
