Kristiano Ronaldo e ka marrë numrin 7 si mision në jetë. Pasi e ka vendosur pandryshueshmërit në fanellën e tij, qoftë në Kombëtare e qoftë tek Reali i Madridit, portugezi synon të vazhdojë të shpresojë tek 7-ta e tij.
Në një intervistë dhënë për mediat, ndërsa është në pritje të vendimit të France Football, për tu shpallur Lojtari më i mirë në Botë, ylli i Realit i ka të qarta synimet. “Jam shpresëplotë si gjithmonë për këtë titull. Sezoni i fundit ishte i jashtëzakonshëm, sepse fituam Champions League ku u shpalla golashënuesi më i mirë me 12 gola. Sikur të vinte dhe titulli i Topit të Artë, do ishte përfekt, nëse jo, do të mbetesha njëlloj me besim. Natyrisht një titull i pestë do të më realizonte më shumë në ambiciet e mia”- është shprehur mes të tjerash Kristiano Ronaldo.
Por më pas, portugezi “e ka lëshuar dorën” në atë që kërkon nga vetja dhe nga jeta: “Sapo erdhi në jetë fëmija i katërt e unë dua të kem 7, sa numri im në fanellë. Po 7 dua edhe tituj Topi i Artë. Përsa kohë luaj, unë nuk heq dorë” – ka deklaruar Ronaldo, për të cilin e japin të sigurtë se do ta fitojë titullin e pestë si lojtari më i mirë në botë për vitin 2017. /tesheshi.com/
