“Cristiano Ronaldo dëshiron ta lërë Spanjën,” thotë titulli kryesor i së përditshmes portugeze sportive A Bola.
Largimi i Ronaldo-s nga Reali i Madridit dhe nga Spanja mund të jetë afër, nga çfarë sugjerohet sot në shtypin portugez e spanjoll.
Ylli portugez, që pati një fundsezoni të shkëlqyer me ekipin madrilen, raportohet të jetë tejet i nevrikosur me akuzat e prokurorisë spanjolle në drejtim të tij për shmangie të detyrimeve fiskale.
Sipas Marca-s spanjolle, vendimi i Ronaldo-s për t’u larguar nga Spanja ngjan të jetë i pakthyeshëm dhe i është komunikuar presidentit të klubit, Florentino Perez.
Ronaldo ka deklaruar më herët se e ka ndërgjegjen të pastër për çka akuzohet, e po ashtu Reali ka shprehur mbështetjen e palëkundur për lojtarin, duke nënvizuar përmes një deklarate se klubi ishte plotësisht i bindur për pafajësinë e tij.
A Bola flet për një ofertë prej 180 milionë eurosh që mund t’i bëhet Realit për Ronaldo-n nga Mançester Junajtedi, PSG-ja apo Monako. /tesheshi.com/
