Cristiano Ronaldo ka ngjallur frikë sot kur është parë të rrëzohet në stërvitje pas një përplasjeje me portierin Kiko Casilla.
Portugezi e la fushën stërvitore duke çaluar, qartazi me një problem në kofshën e majtë.
Gjithsesi, ai i ka qetësuar mbështetësit e tij, duke u thënë se është në rregull, e se do të jetë më tepër se gati për finalen e Champions League-s.
“Pata pak frikë, qe një goditje, por brenda dy ditëve do të jem mirë,” deklaroi Ronaldo.
Ai ka patur probleme kohët e fundit me dëmtimet, dhe gjatë prillit mungoi në tre takime të Realit të Madridit, njëri prej të cilëve qe gjysmëfinalja e parë e Champions League-s ndaj Mançester Sitit.
Si golashënuesi më i mirë i këtij aktiviteti në këtë sezon, me 16 gola, pjesëmarrja e tij në finalen e së shtunës ndaj Atletikos së Madridit është e domosdoshme për të shpresuar në një fitore.
Reali i Madridit do të fitonte 4-1 ndaj të njëjtit kundërshtar në finalen e Champions League-s të para dy viteve, dhe Ronaldo do të shënonte golin e fundit në atë takim. /tesheshi.com/
