Një çift nga SHBA, të cilët kanë qenë të martuar për 30 vjet, u shua nga COVID. Së bashku ata ndanë momentet e tyre të fundit ndërsa mbaheshin për dore, në prani të fëmijëve.
Paul Blackwell dhe Rose Mary Blackwell ndërruan jetë të dielën pasi kaluan dy javë në kujdes intensiv. Kjo u konfirmua për CNN nga djali i tyre Shawn Blackwell.
Të dy ishin mësues në Shkollën e Pavarur Grand Prairie. Rose Mary dha mësim në nxënësit e klasave të dyta, ndërsa Paul, përveç punës së tij, ishte edhe trajner futbolli.
Djali i tyre tha se prindërit e tij ishin mirë derisa u sëmurën në dhjetor. Mjekët u thanë fëmijëve të tyre se nuk kishte mundësi të shëroheshin.
“Ata thanë se nuk panë përparim dhe se funksionet e tyre jetike po ulen ngadalë. Asgjë më nuk mund të bëhej,” tha djali i tyre Blackwell.
Ata morën një vendim të vështirë.
“Vëllai im dhe unë vendosëm që ishte koha t’i linim të shkonin. Ata ishin bashkë dhe mbanin duart lidhur. Dhe ne ishim atje, duke mbajtur duart e tyre … ne ishim së bashku si një familje dhe i mbajtëm duart kur ata po ju hiqej aparati i frymëmarrjes, “tha Blackwell.
Pas këtij çifti janë katër fëmijë dhe 20 nipër e mbesa.
“Unë dua që njerëzit të dinë se unë jam krenar për atë që ishin prindërit e mi dhe gjërat që ata arritën. Ata ishin mishërim i prindërve dhe gjyshërve më të mirë,” tha djali i tyre. /tesheshi.com/
