Ardhja e Luciano Spalletti-t në krye të Romës në fillim të janarit e ka shndërruar tërësisht skuadrën e kryeqytetit italian. Humbjen ndaj Juventusit në Torino më 24 janar e kanë pasur plot shtatë fitore në kampionatin italian. E kjo e fundit ndaj një rivali të drejtpërdrejtë në luftën për t’u pozicionuar në tre vendet e para të renditjes.
Lojtarët e Romës nuk lanë mbrëmë dyshime se ç’ekip do të ishte fitues në fund të 90 minutave të ndeshjes së parë të javës së njëzet e tetë të Serisë A. Takimi ndaj Fiorentinës u mbizotërua tërësisht prej tyre, i shoqëruar me katër gola.
Vjolët qenë në një mbrëmje të keqe, duke mos arritur t’i përgjigjen vrullit të kundërshtarit. Lufta për vendet e para sa vjen e po bëhet më e ndezur, çka po e bën Fiorentinën të nisë të lëshojë terren karshi presionit.
Golat për vendasit do të shënoheshin nga El Shaarawy, Mohamed Salah, Perotti e përsëri nga Salah, për të marrë si përgjigje vetëm një 11-metërsh të kthyer në gol nga miqtë përmes ekzekutimit të Iliçiç-it.
Fitorja 4-1 e rendit Romën të tretën në tabelën e klasifikimit, të afruar shumë dhe me Napolin e vendit të dytë. /tesheshi.com/
