Ledian Memushaj, kapiteni i Peskarës, shënoi golin e tij të parë në Serinë A.
Në “Olimpico”, në stadiumin olimpik të kryeqytetit italian, Roma dhe Peskara u takuan mbrëmë në një ndeshje të vlefshme për javën e 14-të.
Në skajet e kundërta të renditjes, pozicioni i skuadrave u reflektua që në dhjetë minutat e para, kur Roma kryesoi me dy gola të shënuar nga Dzeko.
Memushaj shkurtoi diferencën me një gol të realizuar në mbarim të çerekorëshit të parë të pjesës së dytë, por vetëm kaq.
Roma fitoi 3-2 pasi Perotti realizoi më tutje nga pika e 11-metërshit, e Caprari i ngushtoi edhe një herë tjetër shifrat.
Kjo qe humbja e nëntë për skuadrën që ka për kapiten Ledian Memushajn; Peskara renditet në vend të 18-të në klasifikimin e Serisë A, brenda zonës së rënies një kategori më poshtë.
Në vend të dytë, fitorja e çon Romën të qetë në derbin e së dielës me Lacion. /tesheshi.com/
