Vizita zyrtare e presidentit turk Rexhep Tajip Erdogan në Romë ku do të takohet me krerët e shtetit italian dhe me Papën në Vatikan, ka mobilizuar të gjithë strukturat e sigurisë në vend.
Siç bën të ditur agjencia italiane Ansa, më shumë se 3500 agjentë të forcave të rendit do të jenë të shpërndarë në terren.
Masat e sigurisë janë të nivelit më të larta pasi i frikësohen një reagimi të grupimeve kurde që në Itali kanë bazë të fortë.
Janë aktivizuar edhe skuadra speciale të aftë për veprim në zona të distancës së vogël. Ndërkohë policia ka zbrazur të gjitha zonat ku do të zhvillohen vizitat e presidentit turk.
Korteu presidencial do të lëvizë vetëm në korridore të fiksuara, të cilëve u janë shtuar edhe zona alternative për çdo rast. Janë aktivizuar edhe skuadrat bërthamore, biologjike, kimike dhe radiologjike, si dhe zjarrëfikësit.
Vizita e Erdogan në Romë është e dyta e një kryetari të shtetit turk në një vend të BE-së, pas asaj që zhvilloi në Athinë. /tesheshi.com/
