Pikërisht kur pritej që ky të ishte një sezon pozitiv për Romën, ngjet krejt e kundërta. Skuadra e kryeqytetit italian eliminohet në mënyrën më të keqe nga Porto në Champions Leagues, në play-off.
Askush nuk e priste që pas atij barazimi 1-1 në ndeshjen e parë në Lisbonë, pas asaj fitoreje 4-0 ndaj Udinezes në javën e parë të kampionatit italian, të pasonte një rezultat i tillë katastrofik.
Roma paguan një nervozizëm të pashpjeguar të lojtarëve, diçka që nuk i jep hall as trajneri Spalletti. Fillimisht ishte Vermaelen që do të dilte me të kuqe në takimin e parë në Portugali. Për t’u pasuar mbrëmë nga De Rossi e Emerson, që do ta linin skuadrën me nëntë lojtarë pasi u larguan të ndëshkuar nga gjyqtari po me karton të kuq.
Për De Rossi-n do të ishte kartoni i kuq i 12-të me Romën. Bilanc aspak pozitiv dhe për Romën, që në 31 nga 32 ndeshjet e fundit në Europë ka pësuar gol, përjashtuar vetëm përballjen me Bate Borisovin.
Një nisje e keqe e sezonit për Romën, që në javët në vazhdim do duhet të përballojë presionin e tifozëve të saj.
Porto do të fitonte mbrëmë 0-3, me golat të shënuar nga Felipe, Layun e Jesus Corona. Një fitore që e bën ekipin portugez pjesë të fazës në grupe të Champions League-s.
Janë kualifikuar po ashtu dhe Legia e Varshavës, Sëlltiku i Gllazgout, Monako e Ludogoreci. /tesheshi.com/
