Rolls-Royce ka zbuluar në aeroportin e Gloucestershire një aeroplan elektrik që raportohet se është më i shpejtë në botë pasi mund të arrijë shpejtësi më të mëdha se 480 kilometra në orë, ekskluzivisht me energji elektrike.
Avioni përmban paketën më të dendur të baterive të vendosur ndonjëherë në një aeroplan të vetëm, i cili siguron energji të mjaftueshme për të furnizuar 200 familje ose një fluturim me një ngarkesë të vetme nga Londra në Paris.
6.000 njësi janë bërë me idenë e minimizimit të peshës dhe maksimizimit të mbrojtjes termike, dhe ekziston një sistem i avancuar i ftohjes që mundsohet gjatë ngarkesës maksimale.
Properatori mundësohet nga tre motorë me efikasitet të lartë, tehet e të cilëve rrotullohen me një ritëm shumë më të ulët se avionët konvencionale.
Të gjitha këto zgjidhje ofrojnë 500 kuajfuqi me 90 përqind efikasitet të energjisë, ndërsa për krahasim, makinat me të njëjtën formulë kanë një efikasitet maksimal të energjisë prej 50 përqind.
Avioni është pjesë e një nisme të quajtur ACCEL (Përshpejtimi i Elektrifikimit të Fluturimit).
Gjysma e projektit është financuar nga Instituti i Teknologjisë së Hapësirë ajrore (ATI), në bashkëpunim me Ministrinë e Biznesit, Energjisë dhe Strategjisë Industriale në Mbretërinë e Bashkuar.
Rolls-Royce gjithashtu ka partnerizuar me Airbus për të zhvilluar teknologjinë E-Fan X, e cila duhet të përfaqësojë një hap të ri në zhvillimin e avionëve komercialë hibrid. /tesheshi.com/
