Peshkatarë turq kanë filmuar disa ditë më parë atë që duket si mbytje e qëllimshme nga ana e një mjeti të Rojes Bregdetare greke të një anijeje me emigrantë që përpiqeshin të arrinin në ishullin Kos në detin Egje. Video është postuar në median franceze.
Në video duken rojet bregdetare që shtyjnë anijen e emigrantëve, në këtë ngjarje nuk është vrarë e plagosur kush.
France Info raportoi se peshkatarët turq që filmuan skenën, nxorrën nga uji gratë dhe fëmijët, ndërsa Roja Bregdetare turke burrat dhe djemtë.
Incidenti vjen në një kohë që autoritetet në Kos përpiqen të përballojnë mbërritjen e rreth 7 mijë emigrantëve vetëm gjatë kësaj vere, shumë prej të cilëve kanë mbërritur në ishull nga Bodrumi në brigjet turke.
Ndërsa popullsia normale e Kos-it është 30 mijë njerëz, fluksi I refugjatëve ka shkaktuar problem me higjenën dhe shërbimet shëndetësore në ishull.
Përleshje shpërthyen pak ditë më parë, kur policia kërkoi të grumbullonte të ardhurit në një stadium.
Qeveria greke tha se do të dërgojë në ishull një anije me kapacitet 2500 persona që do të shërbejë si strehë e përkohshme për emigantët. /tesheshi.com/
