Presidenti iranian Hassan Rouhani tha se 25 milion iranianë janë infektuar me COVID-19 deri më tani, dhe se 35 milion të tjerë po përballen me rrezikun e infeksionit.
Ky numër, i cili, sipas Rouhanit, është pjesë e raportit të fundit nga Ministria e Shëndetësisë iraniane, është dukshëm më i lartë se ai i shpallur zyrtarisht i 269.440 të infektuarve, por ai nuk dha një shpjegim se nga vjen kjo diferencë e madhe.
“Vlerësimi ynë është se 25 milion iranianë janë infektuar deri më tani, dhe se rreth 14,000 kanë humbur jetën e tyre. Në total, më shumë se 200,000 njerëz janë shtruar në spital”, tha Rouhani në një deklaratë të transmetuar në televizionin shtetëror iranian.
Irani, i cili ka më shumë se 80 milion banorë, është vendi më i goditur në Lindjen e Mesme kur bëhet fjalë për pandeminë koronavirus.
Ministria e shëndetësisë e Iranit tha dje se 13.791 njerëz kishin vdekur për shkak të COVID-19. /teshesh.com/
