Rogerio Ceni i ka dhënë fund karrierës së tij futbollistike në moshën 42-vjeçare, me një përshëndetje lamtumire me klubin e tij të jetës, Sao Paolo. Po këtë vit, Ceni ka tejkaluar legjendën e Manchester United, Ryan Giggs, si lojtari me më së shumti paraqitje për një klub, gjithsej 509.
Gardiani brazilian gjithashtu është portieri me më shumë gola në histori, duke realizuar hiç më pak se 131 gola (69 nga penaltitë, 61 nga gjuajtet e lira dhe një nga loja e hapur). Ceni ka regjistruar në total 1,237 paraqitje dhe ka arritur të pasurojë sirtarin e tij me 26 tituj, në mesin e tyre edhe Kupën e Botës, të fituar me Brazilin në vitin 2002.
Ceni i dha fund karrierës së tij me një koncert spektakolar në stadiumin Morumbi. Para koncertit u zhvillua një ndeshje lamtumirëse për të, ku në pjesën e parë të ndeshjes mbajti dorezat e veshura në portë, ndërkohë në pjesën e dytë e bëri rolin e sulmuesit. /tesheshi.com/
