Roger Federer fitues për herë të pestë në Indian Wells

Për ish-numrin një të botës, 2017-ta po rezulton të jetë një vit mjaft i mbarë. I rikthyer pas një mungese të gjatë për shkak të problemeve fizike, Roger Federer fitoi në janar trofeun e turneut Australian Open-it, të ndjekur tani nga ai i Indian Wells-it.

Një triumf i veçantë për zvicerianin, që në moshën 35-vjeçare bëhet fitues për herë të pestë i këtij aktiviteti. Askush tjetër në këtë moshë nuk kishte provuar të bënte të njëjtën gjë.

Federer u përball në finale me një tjetër zvicerian, Stan Wawrinka-n, të cilin e mundi 2-0; setet u fituan  6-4 dhe 7-5.

Kjo ishte përplasja e 23-të mes tyre, në 20 nga të cilat fitues ka qenë Federer.

“Eshtë një ndjesi e këndshme. Mbase nuk është aq befasuese sa Australia, por është përsëri diçka e madhe ta shoqërosh atë me fitoren në Amerikë. Eshtë një nisje ëndërr e vitit. Një nisje e pabesueshme,” deklaroi pas fitores Federer. /tesheshi.com/