Ish-numri një i botës ka thyer një tjetër ish-numër një, për të fituar të parin Grand Slam pas pesë vitesh. Roger Federer ka bërë një kthim spektakolar në botën e tenisit, duke fituar në të parin turne që luan pas gjashtë muajsh.
Zviceriani 35-vjeçar ka mposhtur në një finale epike Rafael Nadal-in. Pesë sete të luajtura, me epërsinë gjithmonë në anën e Federer-it: 6-4, 3-6, 6-1, 3-6, 6-3.
Ky ishte titulli i pestë i Federer-it i fituar në Melburn; për herë të fundit do të triumfonte në Australian Open shtatë vite më parë.
Roger Federer bëhet njëkohësisht i pari tenist që fiton pesë apo më shumë tituj në tre Grand Slam-e të ndryshme.
Të dy tenistët erdhën nga dy gjysmëfinale rraskapitëse, të fituara me të njëjtin rezultat, 3-2, ashtu siç përfundoi dhe finalja e sotme.
Në hije prej kohësh, Federer dhe Nadal i dhanë klas këtij Grand Slam-i; të dy e meritonin fitoren, e dhe pse ajo shkoi për Federer-in. /tesheshi.com/
