Organizatat kriminale në Itali shpërndajnë produkte ushqimore tek më të varfërit dhe i ndihmojnë ata të japin hua pa interes për t’i tërhequr në kohën e epidemisë së koronavirusit, paralajmëroi gazetari dhe shkrimtari anti-mafia Roberto Saviano.
Grupet mafioze po kërkojnë të hyjnë në disa nga punët që tani janë në vështirësi dhe janë duke pritur për ndihmë financiare evropiane, tha Saviano.
“Mafia thjesht po pret ndonjë krizë,” shton ai, dhe bizneset do të viktimizohen pasi ata do të gjejnë partnerë të rinj të lidhur me këto organizata kriminale.
“Ju bëheni partner me ta pa dashje, pasi keni hyrë në biznes. Nuk është si dikush që vjen me armë, ata vijnë si këshilltarë financiarë të momentit”, paralajmëroi Saviano.
Sipas tij, nëse Evropa nuk ndërhyn, paratë mafioze tashmë në Gjermani, Francë, Spanjë dhe Belgjikë do të shumëfishohen në mënyrë të pakontrollueshme.
Përveç sigurimit të ushqimit për më të varfërit në Napoli, ata ulën dhe interesin e parave të huazuara.
“Pse? Për të marrë diçka në këmbim,” tha Saviano, i cili aktualisht jeton në New York, dhe ka mbrojtje policore për shkak të një libri të dij denoncues ndaj mafias. /tesheshi.com/
