Emri i sulmuesit të Bayern Mynih, Robert Lewandowski është regjistruar në librin e rekordeve Guinnes pasi arriti të shënonte pesë gola për nëntë minuta, në ndeshjen e zhvilluar në muajin shtator ndaj rivalit Wolfsburg.
I ardhur nga stoli, polaku kishte realizuar pesë gola në kohë rekord, çka bëri që të marrë katër çertifikata për këto arritje: numri më i madh i golave të shënuar në Bundesligë nga një lojtar i ardhur nga stoli ashtu si edhe për 3-golëshin, “pokeri”-n dhe 5-golëshin më të shpejtë të shënuar në kampionatin gjerman.
Duke komentuar mbi arritjet e librit të rekordeve Guinnes, Craig Glenday shef në sektorin e editimeve tha: “Rekordet në botën e sportit kishin mbetur një kohë të gjatë pa u ndryshuar dhe kur Lewandowski shënoi pesë gola në më pak se 10 minuta ishte me të vërtetë diçka e pabesueshme. Këto gjëra nuk ndodhin shumë shpesh, të gjithë e kemi parë Guardiolan deri sa e kishte kapur kokën e tij sepse nuk po besonte se çfarë po ndodhte. Kjo arritje me të vërtet është për tu admiruar”./tesheshi.com/
