Robert F. Kennedy Jr, nipi i presidentit të vrarë amerikan John F. Kennedy, ka shpallur zyrtarisht kandidaturën e tij për presidencën e Shteteve të Bashkuara të Amerikës në vitin 2024.
“Unë erdha këtu sot për të shpallur kandidaturën time për president të Shteteve të Bashkuara,” tha Kennedy në fillim të fushatës në Boston.
Më 6 prill, Kennedy dorëzoi zyrtarisht dokumentet e tij të kandidaturës në Komisionin Federal të Zgjedhjeve.
I njohur për aktivitetet e tij anti-vakser, Kennedy u bë demokrati i tretë që hyri në garën presidenciale të vitit 2024, duke iu bashkuar presidentit aktual Joe Biden dhe autores Marianne Billiamson.
Kennedy është djali i ish-Prokurorit të Përgjithshëm të SHBA-së dhe nipi i kandidatit presidencial Robert F. Kennedy, i cili u vra në vitin 1968 në Los Anxhelos.
Ish-presidenti Donald Trump, ish-ambasadorja e OKB-së Nikki Haley, ish-guvernatori i Arkansas Asa Hutchinson dhe sipërmarrësi milioner Vivek Ramaswamy janë ndër kandidatët republikanë. /tesheshi.com/
