Një spital baptist bombardohet në Gaza dhe mbi 500 vetë humbasin jetën, ku ndër to edhe fëmijë. Në një shkollë fëmijët shkruajnë emrat e tyre mbi trup dhe të nesërmen po kjo shkollë bombardohet dhe shkatërrohet. Me qindra fëmijë nuk kursehen dhe humbasin jetën e tyre të njomë pa shijuar dot diçka nga kjo botë. Katili nuk kursen as kishat, ku Kisha e Krishterë e Shën Porfirit goditet barbarisht dhe vriten e plagosen edhe të krishterët.
Të gjithë ekspertët përdorin rregullisht termin hakmarrje joproporcionale, gjë që tregon shumë për këtë luftë të pazakontë. Termi hakmarrje joproporcionale është një tregues, që Izraeli e ka marrë seriozisht shkatërrimin e Gazës dhe jetët civile tashmë janë kthyer në numra. Megjithëse Hamasi ka dhënë sinjalet e tij duke liruar dy pengje Izraeli ka vazhduar të bombardojë rregullisht. Numrat e të vrarëve të pafafajshëm në javën e tretë të këtij konflikti e kanë kaluar shifrën 5,000, ku janë gati gjysma e tyre fëmijë.
Shumë shtete i kanë bërë tashmë thirrje Izraelit të pushojë zjarrin e të lejojë karvanet humanitare të OKB-së. Ndihmat e OKB-së ashtu si dhe rezolutat e saj janë lënë në pritje pa një zgjidhje konkrete. Palestina po vuan nën goditjet me artileri të rëndë dhe pret që ndihma e ndërkombëtarëve t’ju jepet para se vendi të shkatërrohet përfundimisht. Përsëri izraelitët bombarduan një shkollë dhe vdiqën fëmijë të pafajshëm. /tesheshi.com/
