Lëvizja ‘Besa’, ka kohë që përjeton sulme nga oponentët politikë shqiptarë, të cilët ia ngjitën asaj etiketimin “Parti Erdoganiste”, por së fundmi një akuzë tjetër si duket e ka detyruar të reagojë për shpifjet që i bëhen, akuzë e e ardhur nga qarqet maqedonase, respektivisht apologjetët mediatikë të partisë maqedonase në pushtet VMRO.
Gazeta “Veçer” me kryeredaktor gazetarin Llatas, që njihet si mik i kryeministrit dhe shefit të inteligjencës, ka dalë me një lajm sikur lideri opozitar Zaev, bashkë me lëvizjen ‘Besa’ kanë bërë plane që të organizohen protesta, udhëheqëse të të cilave do të jetë subjektet politike shqiptare, ndërsa islamistët radikale të kësaj partie – siç i quan gazeta – do të protestonin para gjykatës, që më vonë të futen në të me dhunë.
Dhe ky moment – sipas skenarit të shpalosur – do vijë fill pasi Zaev të shpalosë biseda që kanë të bëjnë me vrasjen e pesëfishtë te Liqeni i Smillkovcit, për të cilën u akuzuan dhe vuajnë burg të përjetshëm disa shqiptarë.
Tendencat që Lëvizja ‘Besa’ të paraqitet e afërt me LSDM-në maqedonase si pjesë e skenarëve të errët, Skender Rexhepi, një prej drejtuesve të lëvizjes se re shqiptare në Maqedoni, i quan komike; sepse siç thotë ai, kjo lëvizjë është krejt autentike në vizionin politik që ka dhe shpalos, derisa dhe platforma që ofron ka në thelb zgjidhje paqësore.
“Mirëpo nëse del që zyrtarët politikë, qofshin maqedonas ose shqiptarë, i kanë të zhytura duart e tyre me gjakun e fëmijëve të vrarë në Smillkovë, në vrasjen e udhëheqësve të UÇK-së në Radushë ose në padrejtësitë ndaj shqiptarëve të burgosur në rastin “Monstra”, ne mbetemi në qëndrimin se për këto raste askush nuk ka të drejtë të bëjë asnjë kompromis, ndërsa drejtësia duhet të veprojë me dënime maksimale, ashtu siç e meritojnë kriminelët e vërtetë”-shprehet Rexhepi.
Nuk është vetëm Besa” cak i sulmeve, pasi edhe Stojanço Angellov nga “Dinjiteti” (organizate e luftëtarëve maqedonas nga vitit 2001), akuzohet për tentim të marjes me dhunë të institucioneve publike.
Sipas gazettes në fjalë, Zaev është marë vesh që Angellov, bashkë me disa tjerë me dosje kriminale, të sulmojnë disa nga institucionet publike siç është Parlamenti, ndërsa nuk përjashtohet mundësia që të sulmohet edhe Radio Televizioni Shtetëror.
Çuditërisht, paralajmërime të ngjajshme më herët dha dhe vetë kryeministri Gruevski, edhe pse nuk përmendi emra. Nga foltorja e Parlamentit ai tha se ekziston tentim për rrezikim të stabilitetit të vendit. /tesheshi.com/
