Të martën pritet që të tërhiqen sërish nga 5 euro për çdo përdorues të rrugës Milot-Morinë.
Tashmë firma koncensionare ka vendosur toll-et dhe pret vetëm urdhërin nga qeveria që t’ja rinisë.
Ndërkohë, kompania ka zgjeruar zonën e kalimit me pagesë, që ta paktën mos i lë hapësirë irritimit për kohën e humbur në radhë: ec-paguaj-kalo, pa u zvarritur.
Qeveria do të kalojë të mërkurën formën e re të pagesës për përdoruesit e rrallë dhe ata të shpeshtë.
Pas protestës së dy muajve më parë, qeveria premtoi se do të rishikojë tarifat por deri tani nuk ka thënë asgjë. Ka shumë gjasa që sërish fakti të bëhet i kryer.
Këto ditë, fluksi nuk ka qenë shumë i lartë, siç ndodh në çdo fillim sezoni veror. Por një arsye e numrit jo të madh të pushuesve nga Kosova është edhe muaji i Ramazanit.
Gjatë sezonit veror, në pikën e kufirit të Morinit ka një fluks të shtuar të lëvizjeve. Në fundjavë krijohen edhe radhë shumë të gjata./tesheshi.com/
