Dje, një ekip ndërkombëtar ekspertësh i përbërë nga autopsitë mjeko-ligjore nga Serbia, Bosnja dhe Gjermania kreu zhvarrosjen dhe autopsinë e ish- nënkryetarit të Kuvendit të Serbisë, kryetarit të Partisë për Drejtësi dhe Pajtim (PSP) dhe njëherësh ish-myftiut të Bashkësisë Islame në Serbia, Muamer Zukorliç.
Pas zhvarrosjes dhe autopsisë, Zukorliç u varros sërish, kësaj radhe në haremin e xhamisë Altun-alem në Novi Pazar.
Kujtojmë e pas vdekjes së tij më 6 nëntor të vitit të kaluar, Zukorliç u varros në vendlindjen e tij në Orlje afër Tutinit, ndërsa rivarrimi pra në Novi Pazar.
Elma Elfiç Zukorliç, gruaja e myftiut të ndjerë dhe menaxhere e përgjithshme në Universitetin Ndërkombëtar në Novi Pazar, tha se “pret të vërtetën nga analizat”.
“Prandaj që në momentin e parë, kur u ngrit dyshimi se ekzistonte mundësia që Myftiu të ishte helmuar, kërkova urgjentisht zhvarrosje dhe autopsi”, tha ajo e veja e ish-Myftiut.
Ajo falënderoi Prokurorinë “që edhe këtë herë reagoi shpejt”, dhe caktoi një datë të re zhvarrimi në një interval kohor relativisht të shpejtë dhe ra dakord me vëzhguesit ndërkombëtarë.
“Emocionalisht, për fëmijët dhe mua, ky ishte momenti më i vështirë që nga vdekja e tij dhe po e përballojmë vetëm se në këtë mënyrë do të gjendet e vërteta, pas së cilës do të kërkojmë drejtësi përmes organeve të drejtësisë”, tha Ema Zukorliç.
I biri Usame Zukorliç, tha gjatë rivarrimit në oborrin e xhamisë “se populli i Sanxhakut edhe një herë mbeti ‘pa udhëheqës’ e se shumë “mbetën jetimë” me ikjen e tij.
Ai shtoi se “dëshira e njerëzve ishte përpara dëshirës së prindërve dhe familjes, kështu që Zukorliç, pas gjashtë muaj funerali, u varros me burra të tjerë të mëdhenj në haremin e xhamisë Altun-alem”.
Kujtojmë se Usame paraqiti një kallëzim në Prokurorinë Publike të Serbisë, në bazë të gjetjeve të dy laboratorëve të huaj, të cilët sipas rezultateve të analizave kanë deklaruar se vdekja e Zukorliçit dyshohet se ka ndodhur “për shkak të helmimit”. /tesheshi.com/
