Eshtrat e tre shqiptarëve që mendohet se janë vrarë pas rënies së Perandorisë Osmane nga forcat sllave, janë rivarrosur në qendrën përkujtimore “Nëna Shqiptare” në Zajaz të Kërçovës, fshatin e Ali Ahmetit.
Eshtrat u zbuluan kohë më parë, dhe u përcaktua se i përkisnin shqiparëve të vrarë në vitin 1913, atëherë kur ndaj tyre u ndërrmor një spastrim etnik
“Banda çetnikësh të organizuara nga ideologji shfarosëse me shpërbërjen e Perandorisë Osmane vërshuan në hapësirat shqiptare duke ushtruar siç tha ai, gjenocid për herë të parë në Evropë”, tha Ali Ahmeti, duke cekur faktin se dhe atij vetë, i janë masakruar 60 anëtarë të famijes.
I pranishëm në ceremoni për një “grusht dhè ”, ishte dhe ministri i Diasporës në qeverinë “Rama”, Pandeli Majko.
“Sot shqiptaria e Maqedonisë nuk ka në krah të vet vetëm Shqipërinë, por ka dy binjakë, Shqipërinë dhe Kosovën. “Ne duam paqe. Nëse na ofrojnë paqe, paqe do të ketë”, tha Majko.
Në qendrën “Nëna Shqiptare” në Zajaz, ndodhen rreth 300 varre të viktimave shqiptare gjatë luftrave ballkanike. /tesheshi.com/
