Greqia ka nënshkruar një marrëveshje me prodhuesin e pajisjeve ushtarake amerikane Lockheed Martin që do t’i lejojë asaj të modernizojë flotën e saj të avionëve luftarakë F-16 gjatë shtatë viteve të ardhshme.
Ministri i Mbrojtjes Nikos Panagiotopoulos tha në parlament në fillim të këtij muaji se 84 avionë F-16 do të modernizohen deri në vitin 2027 duke përdorur teknologji të përparuar në bazë të një programi të vlerësuar në 1.7 miliardë dollarë.
Shpejtësia e modernizimit të avionit do të varet nga sa avionë duhet të mbeten në shërbim aktiv, raporton AP.
Departamenti i Shtetit i SHBA miratoi një marrëveshje të mundshme në vitin 2017, duke deklaruar se po ndihmojnë për të përmirësuar sigurinë e aleatëve të NATO-s, të cilët ata konsiderojnë se janë një partner të rëndësishëm për stabilitetin politik dhe përparimin ekonomik në Evropë.
Greqia është përballur me shkurtime në buxhetin e saj ushtarak gjatë krizës financiare. I shqetësuar për zgjerimin ushtarak të Turqisë, vitet e fundit Greqia zgjeroi lidhjet e saj të mbrojtjes me SHBA.
Sekretari i Shtetit Mike Pompeo nënshkroi një marrëveshje të rishikuar të bashkëpunimit të mbrojtjes me Greqinë gjatë një vizite në tetor, gjë që zgjati aktivitetet ushtarake amerikane në tre baza greke dhe rriti operacionet në bazën detare amerikane në Kretë.
Këtë javë, marrëveshja u paraqit në parlamentin grek për ratifikim. /tesheshi.com/
