Ted Cruz dhe John Kasich kanë vendosur t’i bashkërendojnë strategjitë e tyre elektorale në pjesën e mbetur të fushatës, në një përpjekje për ta ndalur vrapin e Donald Trump-it dhe për t’i pamundësuari atij kandidimin për president në SHBA.
Deklaratat gati në të njëjtën kohë të stafeve të fushatës së dy kandidatëve bëjnë të ditur se Ted Cruz-it do t’i lihet rrugë e hapur në Indiana, ndërsa në Oregon dhe në Nju-Meksiko do të ndihmohet John Kasich, me një “udhë të pastër” për të.
Një drejtues i fushatës së Ted Cruz-it, Jeff Roe, e përshkroi kështu në deklaratë atë çka i detyroi të dy kandidatët t’i koordinojnë strategjitë: “Do të qe një katastrofë e sigurt për republikanët nëse Donald Trump do të gjendej në krye të listës së kandidatëve në nëntor.”
Trump i quajti rivalët e tij kokë e këmbë të dëshpëruar, si dhe matematikisht të mbaruar. Ai i ka fituar pjesën më të të votimeve paraprake, duke siguruar një numër të konsiderueshëm delegatësh, por përsëri ekziston rreziku që ai të mos jetë në gjendje ta kapë shifrën prej 1.237 delegatësh, që do i mundësonin kandidimin e atypëratyshëm.
Marrëveshja mes dy rivalëve të Trump-it vjen pak orë para zgjedhjeve paraprake në pesë shtete në verilindje të SHBA-ve. /tesheshi.com/
