Ish-ylli brazilian i futbollit Rivaldo, nuk i fsheh komplimentat për dy futbollistët më të mirë të botës në më shumë se 10 vitet e fundit.
Në një event të organizuar në Barcelonë, mëngjarashi deklaron se secili prej dy lojtarëve ka karakteristika të pazakonta, e aftësi të rrallë për të shënuar.
“Messi është fantastik, driblon, pason e është gjithnjë në pozicion shënimi. Do kisha dashur shumë të luaja me të në një skuadër.
Ronaldo gjithashtu është i paparashikueshëm, ai clirohet gjithnjë nga mbulimi dhe gjithnjë vë në përdorim një nga “truqet” e tij për të shënuar. Janë fantastikë” – shprehet ish-lojtari i Barcelonës.
Por për brazilianin, pavarësisht klasit të secilit prej tyre, Messi e Ronaldo nuk do të dominonin futbollin kaq lehtë, nëse do të luanin para 15 vjetësh.
“Sot flitet vetëm për ata të dy, e pak për Neymar. Kur luaja unë, kishte shumë lojtarë klasi e konkurenca ishte më e madhe. Jam i bindur se po të luaja sot, e të isha 25-26 vjeç, do të shpallesha unë më i miri në Botë…madje disa herë. Futbolli ka ndryshuar” – ka sfiduar Rivaldo, i cili i ka fituar të gjithë titujt e mundshëm, në periudhën kur luante me Kombëtaren e Brazilit dhe klubet e famshme europiane. /tesheshi.com/
