I riu amerikan Otto Frederick Warmbier, i arrestuar dy muaj më parë në Korenë e Veriut, është dënuar me 15 vite punë të detyruar pasi ka tentuar të vjedhë një manifest të propagandës politike në një hotel në Yanggakdo të Pyonyang, ku po qëndronte. Lajmi është bërë i ditur nga agjencia japoneze Kyodo.
21 vjeç ari, student në universitetin e Virginias është dënuar nga një gjykatë supreme 16 ditë pasi pranoi publikisht “fajin” e tij në një rrëfim që ndoshta mund të ketë qenë i detyruar nga autoritetet koreanoveriore.
Në raste të tjera të ngjashme, Pyongyang ka përdorur ndalimin e qytetarëve amerikan për të kërkuar më pas nisjen e negociatave politike me Uashingtonin, duke qenë se mes dy vendeve janë ndërprerë marrëdhëniet diplomatike.
Sipas dënimit, studenti ka kryer një akt armiqësor kundër shtetit duke kërkuar heqjen e një manifesti me një sllogan politik nga një zonë e rezervuar për personelin e hotelit. /tesheshi.com/
