Orët e para të së dielës kanë qenë fatale për sulmuesin premtues të skuadrës gjermane të Hanoverit, Niklas Feierabend, që ka vdekur si pasojë e një aksidenti.
Makina me të cilin ai po udhëtonte si pasagjer do të përplasej me një pemë pas daljes nga rruga, duke lënë të vdekur dhe dy të rinj të tjerë që gjendeshin në të.
19-vjeçari qe stërvitur gjatë dimrit me skuadrën e Hanoverit, dhe në shkurt kishte nënshkruar të parën kontratë profesioniste. Edhe pse qe në stol në dy prej ndeshjeve të Bundesligës, ai nuk arriti të debutonte.
Një ndeshje e ekipit të dytë të Hanoverit është anuluar dje në shenjë respekti për vdekjen e futbollistit të ri.
“Të gjithë shokët e ekipit, trajnerët, punonjësit, tifozët e të tërë në Hanover janë të tronditur thellësisht,” thuhej në një njoftim të klubit gjerman.
“Nuk do të të harrojmë kurrë,” premtohej në njoftimin. /tesheshi.com/
