“Ilir Meta dhe Edi Rama të dy së bashku janë kundërshtarët politikë të Partisë Demokratike dhe ne s’mund t’i lejojmë që të drejtojnë vendin” – është kjo deklarata e Sekretarit të Përgjithshëm të PD-së, Arben Ristani, bërë në konferencen zgjedhore në Malësi të Madhe.
Kishte kohë që në fjalorin e saj akuzues ndaj qeverisë, PD-ja e kishte hequr Metën nga Rama, duke e lënë këtë të fundit të vetëm. Kjo vazhdon dhe sot, pavarësisht deklaratës së Ristanit.
Madje këtë e tregoi dhe vetë Ristani, kur nisi të çojë lëvdata në adresë të LSI- së dhe kreut të saj Ilir Meta, sipas tij në punën e bërë për miratimin e reformës në drejtësi.
Kohët e fundit, është ndjerë një riafrim i raporteve PD-LSI, ku si shkak ka shërbyer reforma në drejtësi, por dhe një ftohje mes vetë aleatëve në koalicionin e majtë.
Opozita nisi betejën e saj pas ardhjes së të majtëve në pushtet, më togfjalëshin bazë qeveria Rama – Meta, por më pas e hoqi Metën duke shënjestruar vetëm Ramën. /tesheshi.com/
