Organi përgjegjës për vendosjen e rregullave të futbollit IFAB ka njoftuar se në të ardhmen gjyqtarët do t’i shpjegojnë vendimet e VAR-it si për audiencën në stadiume ashtu edhe për ata përpara televizionit, për një periudhë prove prej 12 muajsh duke filluar nga Kupa e Botës për Klube që do të luhet nga data 1 deri më 11 shkurt në Marok, raporton Reuters.
Edhe pse VAR ka disa vite që përdoret dhe është përdorur edhe në dy Kupat e fundit të Botës, ka ende polemika rreth disa vendimeve. Biseda mes arbitrit dhe ndihmësit të tij në sallën e VAR do të mbetet private, por arbitri do të ketë një mikrofon për të shpjeguar vendimin përfundimtar për publikun.
“Besojmë se ky është një hap i rëndësishëm drejt transparencës dhe publiku në tribuna do të marrë më shumë informacion gjithashtu”, njoftoi IFAB. /tesheshi.com/
