Jeta universitare është pothuajse e përjashtuar nga çdo lloj zhvillimi në Shqipëri. Mjaft që askush dhe për asgjë nuk i referohet ndonjë studimi apo kërkimi universitar në Shqipëri. Dhe Blendi Gonxhe, tashmë në cilësinë e kreut të një superministrie, ku ngjizet ekonomia, kultura e turizmi, po kthen sytë pikërisht te godina ikonike në kulmin jugor të Bulevardit të Tiranës, ajo që përfaqëson Universitetin Shtetëror, për ta shndërruar atë në partner.
Kështu, siç raporton ATSH, Blendi Gonxhja zhvilloi një takim me rektorin Artan Hoxha, duke deklaruar se ministria e tij është e vendour që Paktin për Universitetin, prioritet i Qeverisë Shqiptare, ta kthejë në një burim energjie, idesh dhe projektesh, duke ofruar mundësi edukimi të specializuar për të rinjtë, praktikash kërkimore, orientim drejt eksperiencës jetësore dhe administratës që duam.
Ai teksoi se si “dallëndyshe e parë” do të jetë një projekt arkeologjik, që bën bashkë kapacitetet intelektuale, energjinë e studentëve dhe infrastrukturën laboratorike të Departamentit të Arkeologjisë, në funksion të njohjes, konservimit dhe promovimit të kulturës kombëtare.
“Vullnet i përbashkët për të investuar në rritjen e kapaciteteve njerëzore, akademike dhe studentore. Vizion për të afruar universitetin në dinamikat e zhvillimeve ekonomike dhe shoqërore të vendit, të cilat kanë nevojë të ngutshme për oponencën, dijen e thelluar dhe inovacionet, në nje botë gjithmonë e më të integruar dhe konkurruese”, u shpreh Gonxhja, e citon ATSH. /tesheshi.com/
