Risia e këtij viti në ceremoninë përkujtimore të Konferencës së Pezës, ishte mungesa e fotos së ish-udhëhqeësit komunist, Enver Hoxha.
Organizatorët, më së saktë Erion Veliaj, që ishte në krye të ceremonisë, ishte kujdesur që herozmi partizan të shpalosej sa më tepër, por jo “komandanti”, ai që nisi të rishfaqej në disa kremtime pas riardhjes në pushtet të të majtës tre vjet më parë.
Kjo e majtë, e sidomos LSI-ja, vijon të investohet tek ai brez, apo më saktë tek ajo “votë” tradicionale për ta pasur të sajën në çdo rast, duke i përkëdhëlur deri dhe me pastrim e lyerje lapidarësh. Por që kostot politike më të mëdha i ka marrë PS-ja dhe Rama, teksa fotoja e Hoxhës nisi të shfaqej në ceremoni përkujtimore.
Vetë Rama, ka qenë dikur destruktuesi më i madh i nacionalçlirimtares, promovuesi i teorisë se “kishim të bëjmë me një luftë civile”, pa shprehur as ndonjë konsideratë për veteranët e luftës, të cilët i ka quajtur në një moment edhe “njerëz mbi uturak që vuajnë nga prostata”.
Por, me marrjen e drejtimit të PS-së, u detyrua të kthejë sytë nga ata, në mos ideologjikisht, i detyruar politikisht. /tesheshi.com/
