Kur bëhet fjalë për teknologjinë, bota “ndahet” përgjysmë në adhuruesit e sistemit Android ( Samsung) dhe atij Apple (iPhone) . Kush është në radhët e iPhonave e di mjaft mirë që risitë në tregun e telefonave të zgjuar nuk kanë të mbaruar e pikërisht këtë shtator pritet të ndodhë ndryshimi më drastik.
Sipas një raportimi të ri nga Mark Gurman, “Apple” planifikon të zhvendosë butonin e menys me një buton sensitiv të klikueshëm që jep “feedback” në momentin që do të kryesh një veprim.
Butoni i ri do të ishte një sipërfaqe e rrafshët e ndjeshme ndaj prekjeve. Kjo do të ndryshonte rrënjësisht pamajen e iPhone. Përdoruesit duket se janë të “lodhur” nga butoni fizik dhe nuk e pëlqejnë më, pasi është dalluar se shumë njerëz përdorin butonin virtual në meny, “AssistiveTouch”.
Zhvendosja e këtij butoni nuk është e thjesht dhe aq e lirë. Nëse një palë e tretë, dyqani i riparimit të telefonave, zhvendos butonin tuaj të menys ju nuk do të keni mundësi që të përdorni “Touch ID” më dhe kjo ul sigurinë e telefonit tuaj. Ndërkohë që të gjithë jemi në pritje të prezantimit të telefonit muajin e ardhshëm. /tesheshi.com/
