Përdoruesit e Facebook mund të postojnë livestreams të vetes së tyre në timeline duke përdorur një nga mjetet më të fundit të videove, të përditësuara në rrjetin e famshëm social.
Mjeti i streaming për Facebook Live u krijua vitin e shkuar vetëm për personazhet publike dhe më pas u zgjeruar edhe për përdoruesit e Facebook në Shtetet e Bashkuara të Amerikës. Tani Facebook ka arritur të krijojë elementë të rinj për përdoruesit, duke përfshirë edhe vendosjen e videove live, në kohë reale në timelinet e tyre.
Ikona e aplikacionint Messenger në Facebook do të zëvendësohet me ikonën e Videos, në mënyrë që ju të mund të ndani dhe të shikoni video live më lehtësisht. Njerëzit do të kenë mundësinë të aplikojnë filtra në brodkastet e tyre, duke i bërë ata bardh e zi apo me ngjyra të ndryshme që ofrohen nga Facebook. Gjithashtu do të kenë mundësinë të vizatojnë një doodle live, ndërkohë që videoja shfaqet në kohë reale.
“Live Reactions” do të lejojë të gjithë përdoruesit të bëjnë komente në video gjatë kohës që shfaqet videoja apo videot në kohë reale. Përdoruesit gjithashtu do të mund të gjejnë video të reja duke kërkuar nisur nga vendndodhja apo nga ftesat e miqve.
Një buton i ri do të lejojë përdoruesit të ftojnë miqtë e tyre të shikojnë videot bashkë me ju. Ky opsion do të lançohet në iOS dhe në Android gjatë kësaj jave. Për momentin është vetëm i disponueshëm në Shtetet e Bashkuara të Amerikës, tek disa përdorues. /tesheshi.com/
