Më në fund ka nisur aplikimi i telefonatave në grup në Messenger, çatin e Facebook, i cili prej pak kohësh i ka kaluar 900 milion përdorues. Prej disa ditësh kanë nisur që të bëhen telefonata në grup deri në 50 persona. Risia, e cila është e disponueshme si në Android dhe në iOS, pra si për iPhona dhe në iPad, paraqet një sfidë të vërtetë për shërbimet e Skype të Microsoft dhe të Haungouts të Google, edhe pse në ndryshim nga këta, për momentin nuk janë plotësuar tërësisht videotelefonatat në grup. Lajmërimi është bërë nga David Marcus, përgjegjësi i Messenger.
Për të aktivizuar këtë opsion është e nevojshme që të krijohet një grup dhe më pas të aktivizohet biseda zanore duke klikuar në tastin e duhur. Gjatë telefonatës mund të shikohet se cilët pjesëtarë të grupit po marrin pjesë dhe cilët jo.
Me thuajse një miliard përdorues, shumë pranë çatit tjetër që është në pronësinë e Zuckerberg – WhatsApp – Messenger po kthehet në një nga produktet që ka transformuar dimensionet e Facebook.
Platforma do të jetë edhe më e plotësuar nëpërmjet krijimit të “chatbot” në vijim, të cilët janë asistentë virtualë, të cilët shfrytëzojnë edhe teknologjinë e inteligjencës artificiale e çatojnë me përdoruesit për llogari të ndërmarrjeve e organizatave, në mënyrë që t’ju japin informacionet apo shërbimet e kërkuara përdoruesve. /tesheshi.com/
