Një sasi tritoli ka shpërthyer mbrëmjen e së mërkurës në Lazarat, ndërsa orë më parë në këtë fshat u krye një operacion policor pas incidentit të së martës në mbrëmje, ku katër persona qëlluan mbi një patrullë policore.
Sipas njoftimit të policisë, lënda shpërthyese ishte e vendosur në një shtyllë tensioni, por që nuk ka sjellë dëmtime serioze.
Ndërsa këtë paradite, në një tunel afër vendit të quajtur “Përroi i Haliqit”, janë gjetur të fshehura dhe janë bllokuan me cilësinë e provës materiale 12 kallëpe lëndë eksplozive tritol, me peshë totale 12 kg, sipas njoftimit zyrtar tw policisë.
Policia thotë se po heton për të gjetur autorët e vendosjes së tritolit në shtyllë dhe poseduesit e sasisë së gjetur në tunel.
Prej muajsh Lazarati ishte i qetë dhe trazimi i tij vjen në një kohë të një tensioni politik, që po u paraprin dhe zgjedhjeve lokale. Të paktën, shpërthime me tritol fshati nuk ka regjistruar. /tesheshi.com/
