Janë dhe 26 raste të reja infektimi në 24 orë, të gjitha në Tiranë, ku kësaj ngritjeje të infektimeve, bash në kohën e lehtësimit të masave, në Shqipëri e më gjerë, i shtohet fakti që vatra e re është pikërisht QSUT-ja.
“Gjatë 24 orëve të fundit janë testuar 225 qytetarë si të dyshuar të prekur me Covid19 dhe janë konfirmuar 26 raste pozitive, të gjitha në Tiranë, 5 më shumë se dje. Nga hetimi i thelluar epidemiologjik, janë testuar 73 personel shëndetësor, nga të cilët 12 kanë rezultuar pozitivë, në QSUT, të gjithë pa simptoma.
Në total janë 20 të prekur në QSUT, personel shëndetësor dhe pacientë, pra në 24 orët e fundit janë infektuar 12 personel shëndetësor dhe 8 pacientë, kontakte të rastit të identifikuar tre ditë më parë, që është një infermiere, e cila ende nuk është zbuluar ku u prek”, u tha në deklaratën e përditshme për shtyp. /tesheshi.com/
