Pas rishikimit të buxhetit të këtij viti, partia më e madhe opozitare shqiptare në Maqedoni, PDSH-ja, e ka akuzuar partinë shqiptare në pushtet, BDI-në, se këtë vit e ka përshkallëzuar edhe më shumë diskriminimin e shqiptarëve.
Sipas deputetit të PDSH-së, Gazmend Aliut, BDI-ja e ka bërë statusin e shqiptarëve më keq se atë të popujve të robëruar. Ai tha se BDI-ja përmes refuzimit të 321 amendamenteve të PDSH-së, që kishin për qëllim përmirësimin e jetës së shqiptarëve, për të tetin vit me radhë vendosi që paratë e shqiptarëve t’i falë në projektet monoetnike maqedonase.
“Kishim pak, na u bënë hiç… Shqiptarët duhet të pajtohen me projekte dhe shifra fantazmë në buxhet, dhe gjthmonë në fund ata ngelin me ‘hiç’ të vërtetë. Diskriminimi buxhetor nuk do të thotë vetëm diskriminim ekonomik, por do të thotë diskriminim në të gjitha sferat e jetës, diskriminim politik, ekonomik, social, diskriminim kulturor e arsimor,” ka deklaruar Gazmend Aliu nga PDSH-ja. /tesheshi.com/
