Ish-Presidenti i Komisionit Evropian, Jose Manuel Barroso është emëruar President i Aleancës GAVI, e cila mbikëqyr sistemin e hyrjes globale në vaksinën e koronavirusit nën kujdesin e Kombeve të Bashkuara.
Bordi Drejtues GAVI, i cili përfshin UNICEF, Organizatën Botërore të Shëndetësisë (OBSH), Bankën Botërore dhe Fondin Bill dhe Melinda Gates, konfirmuan unanimisht zgjedhjen e ish-kryeministrit portugez, i cili drejtoi KE për dhjetë vjet dhe më pas punoi për Goldman Sachs Bank.
“Bota ka nevojë për GAVI më shumë se kurrë për të garantuar që vaksina kundër COVID-19 do të arrijë në të gjitha vendet, të pasura dhe të varfra, dhe për të vazhduar misionin kryesor, për të mbrojtur miliona njerëz nga sëmundjet e evitueshme,” tha Barroso.
Ky partneritet publik-privat (PPP-ja e famshme) u krijua në vitin 2000, për të siguruar hyrjen në vaksinat në vendet e varfra.
Që nga shpërthimi i pandemisë COVID-19, organizata me bazë në Gjenevë është caktuar nga OBSH për koordinimin e sistemit të KB për aksesin global të vaksinës COVID-19, të quajtur COVAX.
Ish-kryeministri portugez do të pasojë nigerianin Ngozi Okonjo-Iweala, i cili tani është një kandidat për drejtor i Organizatës Botërore të Tregtisë (OBT) dhe mandati i tij në presidencën GAVI përfundon në fund të dhjetorit. /tesheshi.com/
