Në një bashkëbisedim me studentë në UET, ish-deputeti demokrat Eduart Selami ka rishfaqur zhgënjimin e tij nga gara për kryetar me Lulzim Bashën.
Aty, Selami, një prej themeluesve të PD-së, ka gjetur dhe rastin për ta quajtur liderin historik Berisha, atë pasi e përzuri e rimorri pas 20 vjetësh në parti, si një autokrat.
Me një repikë në distancë me Bashën, duke e denoncuar atë para autoditorit, Selami tha:
“More një listë dhe e nxore nga xhepi siç i thashë unë, që është turp i tij. Listën nuk e dinte njeri kush do të jetë kandidat për deputet. Theu statute dhe të gjitha. Edhe Sali Berisha i bënte formalisht. Mos të pyes njeri që unë e ngatërroj për demokrat Sali Berishën, është një autokrat klasi. Por kishte karizmë.
A humbe në mënyrën më spektakolare? I thamë hajde të bëjmë një analizë. Jo tha, ta zgjedhim një herë të mos shahemi”, ishin këto deklarimet e Selamit.
Prej kohësh, që kur humbi garën për kryetar në PD, edhe nga fakti se nuk është më deputet, Eduart Selami ka mbetur në hije. /tesheshi.com/
