Zonat që mbetën pa energji natën e ndërrimit të viteve janë kthyer në normalitet këtë të hënë të parë të 2018-ës, rreth orës 10.00, pasi operatori i sistemit të transmetimit thotë se ka riparuar defektin në rrjet.
Disa zona në Tiranë mbetën pa energji elektrike gjatë ndërrimit të viteve. Shkak u bë një defekt që mendohet të jetë i qëllimtë në linjën 110 kv. Operatori i Sistemit të Transmetimit thotë defekti është riparuar rreth orës 10:00 të ditës së sotme dhe energjia është rikthyer në nënstacionin e Kinostudios.
Për rrjedhojë është rikthyer energjia në të gjitha zonat e prekura si: Rruga “Aleksander Moisiu”, rruga “Myslym Keta”, Babrru, Paskuqan pjesërisht, zona e Freskut. /tesheshi.com/
