Ibtihaj Muhammad është sportistja e parë në ekipin olimpik të SHBA-ve me mbulesë.
30-vjeçarja po përgatitet të përfaqësojë vendin e saj në Lojërat Olimpike në Rio në garën me skermë.
Muhammad u bë qendër e vëmendjes që prej kualifikimeve në shkurt, kur u votua e dyta nga koleget e saj për të bartur flamurin gjatë ceremonisë së hapjes së Lojërave Olimpike, por u mund me rezultat të ngushtë nga notuesi rekordmen Michael Phelps.
Muhammad është lindur dhe rritur në New Jersey, në një familje sportistësh.
Pasi provoi sporte të ndryshme, ajo u përcaktua për sportin e skermës për shkak të veshjes modeste si dhe për shkak të mbështetjes nga e ëma për t’u marrë me këtë sport.
“Ishte shumë e rëndësishme për nënën time që të jem aktive dhe për shkak të dashurisë time ndaj sportit, ajo dëshironte që unë të merrem me sport, por duke mbajtur mbulesën”, – thotë ajo.
Muhammad njihet si një zë i fuqishëm kundër ndjenjave anti-myslimane në rritje në SHBA. /tesheshi.com/
