Pasi Paneli Zgjedhor për Ankesa dhe Parashtresa (PZAP) mori vendim për rinumërim dhe heqjen nga rezultati përfundimtar votat e ardhura nga Serbia, nisi festa në partitë Nisma Socialdemokrate dhe AKR.
Me rinumërimin e 1472 vendvotimeve, priten ndryshime në renditjen e numrit të deputetëve të partive, emrave e ndryshime tjera.
Janë disa ndryshime të dukshme kur NISMA-AKR të hyjë në Kuvend.
Fillimisht, Vetëvendosjes i hiqen tre deputetë dhe në këtë formë numri i deputetëve të kësaj partie bie në 29, LDK-së i hiqet një deputet, duke rënë në 28m ndërsa PDK-ja mbetet me 24 ulëse. AAK-PSD i hiqet një deputet, dhe koalicioni i tyre mbetet me 13 ulëse.
6 Deputetët nga Nisma-AKR që kanë siguruar hyrjen në kuvendin e ti janë Fatmir Limaj, Behgjet Pacolli, Endrit Shala, Haxhi Shala, Mirlinda Sopi – Krasniqi, Albulena Balaj – Halimaj.
Por kalkulimet dalin të jenë edhe më të ashpra. VV-së e LDK-së i imponohet koalicioni me një parti të tretë për shkak se të dyja bashkë kanë gjithsej 57 ulëse në Kuvend, nga 61 vota sa duhet për t’u krijuar Qeveria. Kjo mund të çojë në opsionin e vetëm të mundur, koalicion me ish-qeverisësit që janë kritikuar si nga VV-ja, ashtu edhe nga LDK-ja. Vendimi i ri i PZAP gjithashtu ndryshon për pak përqindja e partive, Nisma sipas kryetarit të saj, Fatmir Limaj merr 5.012 vota. /tesheshi.com/
