Komisioni Qendror i Zgjedhjeve ka miratuar raportin mbi rinumërimin e 117 kutive të votimit ku tre deputetë kanë fituar mandatin deputetit ndërsa tre tjerë kanë rënë.
Koordinatori i qendrës së numërimit, Burim Ahmetaj, tha se pas rinumërimit diferenca mes partive nuk është e madhe, ndërsa tek votat e kandidatëve ka pasur disa ndryshime.
“Pas rinumërimit Naser Osmani nga koalicioni LAA-n ka fituar mandatin e deputetit ndërsa Imet Rrahmani ka humbur mandatin, Fikrim Damka nga KDTP-ja ka hyrë në vend të Mahir Yagcilar dhe Slavko Simić nga Lista Serbe ka hyrë në vend të Branimir Stojanovicit”, tha Ahmetaj.
Kurse Anëtari i KQZ-së Betim Gjoshi, ka kërkuar nga institucionet që të shohin masat që duhet të ndërmerren për ta përmirësuar këtë aspekt sepse po ka shumë rinumërime.
Edhe anëtari tjetër Adnan Rrustemi, ka kërkuar analizë për tërë procesin për të parë se prej ku po buron ky rinumërim. Rrustemi tha se po merr kohë shpallja e rezultateve me shumë se sa vet përgatitja e vet procesit zgjedhor./tesheshi.com/
