Ministrja e Arsimit Evis Kushi tha se shkollat do rifillojnë më 11 janar, pra, pas marrjes së pushimeve dimërore.
“Në bashkëpunim me Komitetin e Ekspertëve kemi vendosur që pas pushimeve të fundvitit për vitin e ardhshmë shkolla nuk do të fillojë në datën 4 siç ishte parashikuar në skenar por më 11 janar (kujtojmë se dikur, në sistemin e mëparshëm, atë komunist shkollat nisnin më datë 12 janar, pra pasi festohej dhe 11 janari, festa e Republikës).
Natyrisht, në varësi të dinamikës së pandemisë mund të ketë edhe vendime të tjera por për momentin do të jetë data 11 siç parashikonte urdhri i mëparshëm”, tha Kushi.
Sa i përket vijimit të lojit si, pra në mënyrë klasike apo online, Kushi tha:
“Ne jemi të ndëregjegjshëm se sistemi online se ka efikasitetin 100% siç do ta kishte mësimi që zhvillohet në bankat e shkollës. Skenari që kemi aplikuar në shkollat tona është fleksibël që varet nga specifikat e çdo shkolle.
Nga numri i nxënësve nga hapësirat që ka shkolla dhe situata e pandemisë. Sepse në zona periferike e të largëta vihet re se numri i infektimeve është shumë i ulët.
Skenari i dytë aplikohet më shumë në ato shkolla të mëdha ku ka më shumë nxënës por siç e dini kjo është java e fundit kanë mbetur dhe 3 ditë nga java që vjen që do të vzhdojë me të njëjtin skenar”, tha gruaja në krye të arsimit shqiptar. /tesheshi.com/
