Edhe pse nuk erdhi dot në pushtet pas zgjedhjeve të 11 dhjetorit, LSDM-ja e Zaevit në Maqedoni ka bindjen se shumë shpejt do ia arrijë kësaj dite. Ajo ka premtuar së fundi se projektet e lëna nga VMRO-ja do i realizojë pikërisht ajo, pra kur të vijë në pushtet. Shkak është bërë përfundimi i afatit të fundit të planprojektit të qendrës së re klinike universitare, premtuar nga VMRO për t’u hapur me 2 janar 2017.
“Mbaroi koha e gënjeshtrave. Në mesin e gënjeshtrave ishte se deri më 2 janar të vitit 2017 Shkupi do të bëhet me qendër të re klinike. Sot është 2 janar 2017. Në Shkup qendër klinike të re nuk ka. Maqedonia meriton shëndetësi kualitative. Po vjen jeta. Nga viti 2017 fillojmë jetën që do ta krijojmë”, thuhet mes tjerash në deklaratën e LSDM-së.
Ky stil komunikativ i partisë së Zaevit, e mbetur sërish në opozitë, është një formë e mbajtjes lart të moralit dhe besimit se shumë shpejt pushteti në Maqedoni do jetë në duart e saj. /tesheshi.com/
