Në hapje të sesionit të ri parlamentar, kryeministri Rama komentoi sërish marrëveshjen e Uashingtonit, duke thënë se e vetmja gjë e re aty ishte njohja e Kosovës nga Izraeli (pritet të ndodhë në këmbim të vendosjes së ambasadës në Jeruzalem).
Bashkohem më atë që shprehu kreu i Kuvendit lidhur me marrëveshjen e bërë në Uashington mes Serbisë dhe Kosovës, një moment i rëndësishëm në marrëdhëniet mes dy shteteve, tejet e rëndësishme, përtej faktit që Izraeli njohu Kosovën, nuk ka asgjë të re.
Po e them për të kuptuar që sa kohë kemi humbur ne si shqiptarë. Marrëveshja sjell thjesht një konfirmim, është një humbje kohe që ka dëme të pallogaritshme, humbja e kohës nga patriotizmi fars dhe nga një luftë imagjinare.
Ndoshta kanë llogari të hapura për të adresuar por nuk mund t’i adresosh në kushtet e paqes.
Të mos pranosh sofistikimin që sjell paqja do të thotë të jesh ose i paaftë për të drejtuar ose cinik në raport me vendin tënd. Ajo që mbetet mbresëlënëse është se ata nuk duan të dëgjojnë, shohin, hapen ndaj fakteve, çka ka dëmtuar e vazhdon të dëmtojë Kosovën e Shqipërinë”, tha Rama.
Më tej, ai iu qas sërish zhurmës së “Detit”, duke potencuar se nuk ka asnjë marrëveshje me Greqinë.
“Ne me Greqinë kemi nisur negociata që kanë ndalur dhe nuk jemi më që nga ndryshimi i qeverive në Greqi”, theksoi Rama, duke ironizuar dhe me presidentin Meta.
“Nuk e di pse i është futur dhe ai detit, pasi e di shumë mirë që po nuk erdhi deti tek ai askush nuk i bën dot gjë detit. pastaj është Gjykata Kushtetuese që miraton marrëveshjen dhe më pas parlament. Ata që lëshuan detin Ilir Meta e Lulzim Basha marrëveshjen më të gabuar për Shqipërinë dhe si e bënë? E bënë në rrugë zyrtare me firma e ma vula. Nuk ka marrëveshje me fjalë për territoret e një vendi, nuk ka si ndodh as për det, aspër ajër as për tokë, e bën me firmë e vulë”, argumentoi Rama. /tesheshi.com/
